L'aucèl dels occitans

Dins la Bíblia se parla ja de la colomba que tornèt après lo deluvi amb un ramèl d'olivièr.
Picasso a fach d'aquel aucèl lo simbol de la patz dins un de sos tablèus.
E n'i a d'autres aucèls qu'an una foncion simbolica: lo gal, l'agla...



Mas los Occitans an causit lo cocut, "Cocut banut" ...

Aucèl de la derision que porta dins son nom la vergonha de l'ome abandonat per sa femna, mas que canta la prima lo primièr amagat dins los bosques.

Aucèl de l'amor perdut, messatgièr de las amors novèlas nos donas nostra consciéncia occitana !

Que siá un passat que nos a escapat, que siá un espèr dins la vida e l'istoria...

Que sián los plors e lo malur d'una pèrda mesclats a la trufariá d'una situacion, que sián lo cant e la joia d'un moment fol de reviscol.
Aital seriam dignes e banuts, preses dins l'ambiguitat d'una vision del monde a l'encop mitica e realista.

Retorn al menu Oc Retorn al menu